Qëllimi i këtij mësimi:

Të kuptosh rëndësinë e pamjes dhe higjienës personale në punën e përditshme të një kamarieri dhe si kjo ndikon në përshtypjen që krijon tek klienti.

Pse është e rëndësishme pamja dhe higjiena personale?

  • Klientët e vlerësojnë shumë pastërtinë dhe kujdesin në ambientin ku konsumojnë ushqim.
  • Një pamje e pastër dhe e rregullt tregon respekt për klientin dhe për vetveten.
  • Ndihmon në parandalimin e përhapjes së baktereve dhe sëmundjeve.
  • Jep një përshtypje profesionale për restorantin dhe stafin.

Rregullat bazë për pamjen personale të një kamarieri:

Veshje e pastër dhe e hekurosur

  • Uniforma duhet të jetë gjithmonë e pastër.
  • Duhet shmangur përdorimi i rrobave të grisura apo të papërshtatshme.

Këpucë të mbyllura dhe të pastra

  • Këpucët duhet të jenë të rehatshme dhe profesionale.
  • Nuk lejohen sandale apo këpucë sportive (nëse nuk janë pjesë e uniformës).

Flokë të pastër dhe të rregulluar

  • Flokët duhet të jenë të krehura dhe të mbajtura larg fytyrës.
  • Nëse janë të gjata, lidhen pas koke.

Thonj të shkurtër dhe të pastër

  • Nuk lejohet manikyr i tepruar ose thonj artificialë.

Përdorimi i aromave me kujdes

  • Përdor parfume të lehta – shmang aromat e forta që mund të shqetësojnë klientët.

Higjiena personale e përditshme

  • Dush çdo ditë, përdor deodorant dhe mbaj gojën të pastër.
  • Shmang të veshësh të njëjtën uniformë disa ditë rresht pa e larë.

Rregullat e higjienës gjatë punës:

  • Laji duart shpesh, sidomos:

    • para se të prekësh pjata, gota apo ushqim
    • pas përdorimit të tualetit
    • pas kontaktit me para ose pastrimin e tavolinave
  • Mos prek fytyrën, flokët apo telefonin gjatë shërbimit
  • Mos përtyp çamçakëz ose mos ha gjatë punës

Shembull praktik:

Një klient vëren që kamarieri ka uniformë të papastër dhe flokë të shpupuritur. Ai menjëherë krijon përshtypje negative për restorantin. Edhe pse ushqimi është i mirë, ai vendos të mos kthehet më.

Pamja profesionale ndihmon që:

  • Të krijosh besim te klientët
  • Të përfaqësosh restorantin me dinjitet
  • Të rrisësh shanset për promovim apo bakshishe
    Të kontribuosh në ambient të pastër dhe të shëndetshëm

Detyrë për studentin:

  1. Bëj një listë me 5 gjëra që mund t’i përmirësosh në pamjen dhe higjienën tënde personale.
  2. A ka ndodhur ndonjëherë të mos ndihesh rehat nga pamja e ndonjë kamarieri kur ke qenë klient? Çfarë nuk të ka pëlqyer?

Regjistrohuni tani dhe fitoni qasje në trajnimin profesional për kamarierë në restorant