WhatsApp ka prezantuar disa veçori të reja që synojnë të përmirësojnë përvojën e përdoruesve dhe të rrisin sigurinë e komunikimit. Më poshtë janë përmbledhur disa nga risitë më të fundit.
🎙️ Voice Chat për grupet e mëdha
WhatsApp ka shtuar një opsion të ri për bisedat në grup, të quajtur “Voice Chat”, që u lejon anëtarëve të grupit të komunikojnë në mënyrë zanore pa pasur nevojë për një telefonatë tradicionale. Ky funksion dërgon një njoftim në celularin e anëtarëve të grupit, por ndryshe nga “Group Call”, nuk ka një melodi shoqëruese. Përdoruesit mund të flasin për çfarëdo dëshironi t’iu tregoni miqve tuaj dhe njëkohësisht të vazhdojnë të dërgojnë mesazhe për ata që s’munden ta dëgjojnë. Ky opsion do të jetë i përdorshëm për grupet e mëdha që kanë 33 anëtarë ose më shumë.
🔐 Chat Lock – Siguri e shtuar për bisedat private
WhatsApp ka prezantuar një opsion të ri sigurie që ju lejon të mbani private bisedat tuaja intime. Opsioni “Chat Lock” do t’i lejojë përdoruesit të mbrojnë bisedat e tyre më intime duke i mbyllur me një fjalëkalim dhe duke i vendosur ato në një dosje të veçantë. Kur dikush ju dërgon mesazhe dhe ju e keni të kyçur bisedën, emri i dërguesit dhe përmbajtja e mesazhit do të fshihen gjithashtu.
📱 Dy Llogari në një pajisje
WhatsApp ka bërë një ndryshim të madh duke prezantuar një opsion të ri që u lejon përdoruesve të kenë dy llogari në të njëjtën kohë dhe në të njëjtin telefon. Kjo veçori është veçanërisht e dobishme për ata që dëshirojnë të ndajnë kontaktet e punës nga ato personale. Për të konfiguruar një llogari të dytë, përdoruesit do të kenë nevojë për një numër të dytë telefoni dhe një kartë SIM, ose një telefon që pranon shumë SIM ose eSIM.
🎨 Personalizimi i ngjyrës së aplikacionit
WhatsApp po nxjerr një opsion të ri që do t’i lejojë përdoruesit të zgjedhin vetë ngjyrën kryesore të aplikacionit për t’iu përshtatur shijeve të ndryshme të tyre. Ky përditësim është aktualisht i disponueshëm për përdoruesit e iOS në versionin beta dhe ofron pesë ngjyra të ndryshme për të zgjedhur.
🎥 Mesazhe video të shkurtra
WhatsApp ka prezantuar një opsion të ri që u mundëson përdoruesve të dërgojnë mesazhe të shkurtra video. Këto mesazhe video në kohë reale mund të zgjasin deri në 60 sekonda dhe janë një alternativë ndaj mesazheve me tekst. Kur marrësit hapin video-mesazhin në bisedë, videoja nis automatikisht pa zë, por duke klikuar mbi të, mund të dëgjohet edhe audioja.