Nëse shpesh ndihesh i/e lodhur nga shumë detyra dhe nuk di nga t’ia fillosh, ekziston një metodë shumë praktike që mund të të ndihmojë të organizosh më mirë punët e tua – quhet Eisenhower Matrix.
Çka është Eisenhower Matrix?
Eisenhower Matrix (ose Eisenhower Box) është një metodë e menaxhimit të kohës e krijuar nga Dwight D. Eisenhower – ish president i SHBA-së, i njohur për aftësinë e tij për të marrë vendime të shpejta dhe efektive.
Ideja kryesore është që të gjitha detyrat t’i vendosësh në 4 kategori, bazuar në dy kritere:
-
Sa URGJENTE janë?
-
Sa TË RËNDËSISHME janë?
Si funksionon?
Eisenhower Matrix ndahet në 4 kuti:
| Urgjente | Jo urgjente | |
|---|---|---|
| Të rëndësishme | 1. Bëji tani | 2. Planifiko |
| Jo të rëndësishme | 3. Delegoji | 4. Elimino |
1. Urgjente dhe të rëndësishme → Vepro menjëherë
Këto janë detyrat që kanë afat të afërt dhe janë shumë të rëndësishme. Shembull: Krisje në projekt, problem me klient, takime të rëndësishme.
2. Jo urgjente por të rëndësishme → Planifiko
Detyra që nuk janë për sot, por janë thelbësore për qëllimet tua. Shembull: Mësimi i diçkaje të re, zhvillimi personal, planifikimi strategjik.
3. Urgjente por jo të rëndësishme → Delegoji
Këto janë gjëra që duhet të bëhen shpejt, por nuk është e domosdoshme t’i bësh vetë. Shembull: Email-et rutinore, telefonata të zakonshme, detyra teknike.
4. Jo urgjente dhe jo të rëndësishme → Elimino
Aktivitetet që të marrin kohë por nuk të sjellin vlerë. Shembull: Shfletimi pa qëllim në rrjete sociale, shikimi i videove të panevojshme.
Pse ia vlen ta përdorësh këtë metodë?
→ Të ndihmon të kesh qartësi çka është me të vërtetë e rëndësishme
→ Zvogëlon stresin dhe ndjenjën e ngarkesës
→ Përmirëson organizimin dhe planifikimin ditor
→ Të motivon të përqendrohesh në gjërat që kanë ndikim real në jetën ose biznesin tënd
Shembull praktik për një ditë pune:
| Detyra | Kategoria |
|---|---|
| Dorëzimi i projektit te klienti | Urgjente & e rëndësishme |
| Të mësosh Google Ads | Jo urgjente & e rëndësishme |
| Të përgjigjesh në email rutinë | Urgjente & jo e rëndësishme |
| Të shikosh video pa lidhje | Jo urgjente & jo e rëndësishme |
Përfundim
Eisenhower Matrix është një metodë shumë praktike që mund ta përdorë secili, qoftë në jetë personale apo profesionale. Mjafton të marrësh 5 minuta në fillim të ditës ose javës dhe të ndash detyrat e tua në këtë matricë.
Do të habitesh sa më shumë kohë dhe energji do të fitosh!