Para çdo udhëtimi, sidomos nëse ke përpara një rrugë të gjatë, bëj një kontroll të shpejtë të makinës. Këto janë 7 gjërat kryesore që nuk duhet t’i neglizhosh:
- Gomat – Kontrollo presionin dhe shiko nëse kanë dëmtime ose konsumim të madh.
- Vajin e motorit – Sigurohu që niveli i vajit të jetë brenda kufijve të rekomanduar.
- Frenat – Nëse dëgjon zhurma të pazakonta ose ndjen dridhje gjatë frenimit, kontrolloji para nisjes.
- Dritat – Kontrollo fenerët, dritat e frenimit dhe sinjalizuesit.
- Lëngjet – Kontrollo antifrizin dhe lëngun për larjen e xhamave.
- Fshirëset e xhamave – Sigurohu që pastrojnë mirë xhamin dhe nuk lënë gjurmë.
- Pajisjet e emergjencës – Kontrollo nëse ke gomën rezervë, trekëndëshin e sigurisë dhe pajisjet bazë të nevojshme.
Një kontroll prej vetëm disa minutash para nisjes mund të të ndihmojë të shmangësh probleme gjatë rrugës dhe ta bësh udhëtimin më të sigurt.