Larja e dhëmbëve është një nga zakonet më të rëndësishme për shëndetin tonë oral, por shumë prej nesh nuk e bëjnë në mënyrën e duhur. Të lash dhëmbët siç duhet nuk zgjat më shumë se 2-3 minuta, por mënyra si e bën ka shumë rëndësi.
Më poshtë i ke 5 hapa të thjeshtë që ndihmojnë në ruajtjen e një buzëqeshjeje të shëndetshme:
1. Zgjidh furçën dhe pastën e duhur
- Përdor një furçë me qime të buta që nuk dëmtojnë mishrat.
- Pasta duhet të përmbajë fluor – një përbërës që ndihmon në forcimin e smaltit dhe parandalimin e kariesit.
2. Vendose furçën në kënd 45°
- Vendose furçën aty ku takohen dhëmbët dhe mishrat, në një kënd 45°.
- Lëviz furçën me lëvizje të vogla rrethore, jo me fërkime të forta apo të gjata.
Sponsor
3. Mos harro pjesën e brendshme dhe gjuhën
- Shumë njerëz lajnë vetëm pjesën e jashtme të dhëmbëve. Pjesa e brendshme (ajo që prek gjuhën) është po aq e rëndësishme.
- Fërko lehtë edhe gjuhën për të larguar bakteret që shkaktojnë erën e keqe.
4. La dhëmbët për të paktën 2 minuta
- Vendos një timer ose këndo një këngë 2-minutëshe në mendje.
- Mos nxito, pasi larja e shpejtë nuk i largon plotësisht bakteret dhe mbetjet ushqimore.
5. Mos i shpëlaj menjëherë me ujë pas larjes
- Pasi përfundon, pështyje pastën, por mos shpëlaj gojën menjëherë me ujë.
- Lëre fluorin të veprojë për disa minuta për të mbrojtur më mirë dhëmbët.
Këshillë shtesë:
La dhëmbët 2 herë në ditë, mëngjes dhe para gjumit. Dhe mos harro të përdorësh fillin dentar të paktën një herë në ditë për të pastruar hapësirat që furça nuk i arrin.