Jam i sigurtë që shumica nga ju veqse jeni të njohur me termin “Marketing” apo “Marketing Dixhital”.

Në thelb, marketingu ndodh në gjdo moment, shembull kur ju i propozoni ndonjë të afërmi tuaj të shikojnë ndonjë film, ju jeni duke bërë marketing., kur ju tregoni për eksperiencën dhe ushqimin e mirë që e keni ngrënë në një restaurant ju jeni duke bërë marketing.

Pra në parim, marketingu është pjesë përbërëse e jetës tonë të përditëshme.

Po fillojmë me përgjigjen e pyetjes së parë “Çka është Marketingu Dixhital?”

Para se teknologjia të merrte një hovë kaq të madh të zhvillimit, dhe interneti të arrinte të futej në xhepat tanë, marketingu zhvillohej në forma krejtësisht ndryshe.

Format më tradicionale ishin reklamimet në gazeta të ndryshme, në billboard në radio në TV etj.

Logjikisht lind pyetja, a nuk është radio dhe TV pjesë e marketingut dixhital?

Në realitet duhej të konsiderohej si diqka e tillë, mirpo jo për shkak të disa mungesave që ato kanë, e të cilat do ti përmendim më vonë.

Me një zhvillim kaq të madh teknologjik, dhe me mundësitë që i ofron teknologjia e sodit, është parë si një hapsirë shumë e mirë dhe e madhe për marketingun.

Pra në parim, Marketingu Dixhital ju ndihmon që ju të arrini një audiencë të madhe të klientëve tuaj potencial e që në format tradicionale të marketingut nuk mund të arriheshin.

Pse ju duhet të mësoni për Marketingun Dixhital?

Ka shumë arsye pse interesimi për të mësuar Marketingun Dixhital është rritur, mirpo ne duam të flasim vetëm për disa prej tyre.

Marketingu Dixhital ka shumë përparësi që format e kaluara të marketingut tradicional nuk mund ti ofronin.

Përparësitë e marketingut dixhital janë këto:

  1. Marketingu dixhital ju mundëson që ju produktet tuaja, respektivisht të klientëve tuaj (nëse doni të punoni si digital marketer), ti shfaqni vetëm tek audienca që kanë një interesim specifik për ato produkte.
  2. Marketingu dixhital është shumë më kost-efektive sesa marketingu tradicional, pasiqë ju mundëson që në baza ditore ti kontrolloni kampanjat e juaja dhe ti modifikoni për të arritur rezultatet e dëshiruara, duke pasur një kontroll shumë më të madh në buxhetin që shpenzoni.
  3. Marketingu Dixhital ju mundëson që ju të keni një konkurencë të barabart me të gjithë “lojtarët e mëdhenj” në treg. Pra gjdo kampanjë e marketingut, në formën tradicionale është i barabart dhe nuk ka diferenca. Diferenca e vetme arrihet nga përkushtimi për të bërë promocione më të mira.
  4. Marketingu Dixhital është i matshëm – dhe ju mundëson që në një kohë reale ti shihni rezultatet e kampanjave tuaja. Veglat e ndryshme që ofrojnë platformat më të mëdha të marketingut dixhital janë aq të zhvilluara saqë tashmë ju bëjnë sygjerime në bazë të rezultateve që po arrihen në atë kampanjë.

Pra siç po e shini, Marketingu Dixhital është një fushë shumë e gjerë dhe mundësitë në të janë shumë të mëdha.

Pa marrë parasysh nëse ju keni një biznes të vogël, punoni për ndonjë kompani, apo planifikoni të punoni si freelancer, njohuritë që do ti përfitoni për Marketingun Dixhital, do të mund ti aplikoni për gjdo ditë.

Besoj që tashmë i keni fituar disa njohuri sipërfaqësore rreth këtij kursi dhe ju inkurajoj që të vazhdoni me kurset në vazhdim.