Si të analizoni kërkesën në lagjen tuaj apo në tregun online për Mobishop

Qëllimi i mësimit:

Të mësosh se si të kuptosh se për cilat produkte ose shërbime ka më shumë interes nga klientët në zonën tënde fizike ose në tregun online.

Çfarë do të mësosh:

• Si ta kuptosh se çfarë kërkojnë klientët në lagjen tënde
• Si të përdorësh rrjetet sociale dhe internetin për të analizuar kërkesën online
• Mjete praktike për të mbledhur informata pa shpenzime

Analiza fizike (në lagje ose qytet)

Çka duhet të vëzhgosh:

• Cilët produkte kërkohen më shpesh nga klientët që hyjnë në dyqan?
• Çfarë produktesh mungojnë shpesh?
• Çfarë pyesin klientët që nuk e ke në dyqan?
• Kush janë më të shumtit: të rinjtë, nxënësit, të rriturit?

Metoda praktike:

• Mbaj një fletore ditore ku shkruan çdo pyetje që të bën një klient
• Shembull:
  • “Keni karikues me wireless?”
  • “Keni mbrojtëse për Samsung A15?”
  • “Keni kufje me mikrofon për lojëra?”

Fleta për analizën e kërkesës:

Analiza online (kërkesa në rrjetet sociale dhe Google)

Metoda #1 – Grupi lokal në Facebook

• Bashkohu në grupet lokale si: “Shes Blej Ferizaj”, “Shitje Celularësh Shqipëri”, etj.
• Vëzhgo çfarë postojnë njerëzit më shpesh:
  • “Kërkoj karikues për iPhone”
  • “Kërkoj telefon deri në 150€”
  • “Kush riparon ekran Samsung?”

Ushtrim: Shkruaj 10 komentet ose postimet që shfaqin kërkesë për produkte të caktuara.

Metoda #2 – Kërkimi në Google dhe YouTube

• Përdor Google Trends për të parë:
  • Çfarë po kërkojnë njerëzit në Kosovë/Shqipëri:
    https://trends.google.com
• Kërko “karikues i mirë për iPhone” → shiko sugjerimet që jep Google automatikisht
• Kërko në YouTube për produktet më të shikuara në rajon (p.sh. “Telefona të lirë 2025 Shqip”)

Metoda #3 – Pyetje në Instagram/Facebook Story

Përdor këtë pyetje në Story:

🟡 “Cilin produkt do doje ta shihje këtë javë në dyqan?”
🟢 “Cili aksesor të mungon më shpesh?”

➕ Jep opsione si:
A) Karikues Wireless
B) Xham për iPhone 14
C) Kufje për gaming
D) Kabllo Type-C të gjatë

Pse është e rëndësishme kjo analizë?

• Ndihmon që të mos blesh produkte që nuk shiten
• E rrit shansin që klienti të blejë menjëherë sepse e gjen atë që kërkon
• Të bën më konkurrues ndaj dyqaneve të tjera që nuk e njohin mirë kërkesën

Detyrë:

• Bëj një anketë të thjeshtë me 5 klientë që vijnë këtë javë:
  • Çfarë kërkove sot?
  • A e gjen zakonisht në dyqane të tjera?
• Bëj një sondazh në Instagram/Facebook për një produkt specifik.
• Regjistro 10 kërkesa më të shpeshta të klientëve këtë javë.

📋 Shabllon për detyrë:

Ju e keni shikuar këtë postim. ✅